Spørsmål og svar

  • Lyspærer

    Du kan levere inn lyspærer til butikkar som sel lyspærer eller til miljøstasjonen. Alle typar lyspærer skal leverast inn.

    Batteri

    Brukte batteri kan du levere til alle typar butikkar som sel batteri. Du kan også levere batteri til miljøstasjonen. Hugs å levere inn alle typar batteri.

    Isopor

    Isopor skal sorterast som restavfall, noko eldre isopor skal sorterast som farleg avfall. Spør på miljøstasjonen om de er usikre.

    Farleg avfall

    Farleg avfall kan leverast på miljøstasjonen. Dette er gratis for private hushald inntil 1000 kg pr. år, medan næringskundar har deklarasjonsplikt og må betala.

    Slakteavfall

    SIMAS har ikkje høve til å ta imot slakteavfall. Slakteavfall skal ikkje kastast i behaldaren de har heime, og SIMAS har heller ikkje mogelegheit til å ta imot slakteavfall på miljøstasjonane. Ta kontakt med dykkar lokale veterinær for råd om handtering. Besøk gjerne Norsk Protein si heimeside for meir informasjon.

    Asbest/eternitt

    Du kan levera små mengder på miljøstasjonen, større mengder må leverast på anlegget i Festingdalen. Asbesten må vera pakka inn i plast. Privatpersonar leverar inntil 1000 kg pr. år gratis. Utover dette vert det teke betalt for avfallet og eventuelt transport inn til Festingdalen.

    Barberskumboksar

    Desse skal sorterast som farleg avfall og kan leverast gratis miljøstasjonen.

    Blinkesko

    Alle produkt som går på straum eller batteri vert rekna som eleketrisk og elektronisk avfall (EE-avfall) når dei skal kastast. Alle slike produkt kan leverast gratis til forhandlar som sel tilsvarande produkt. Det er ikkje krav om å kjøpa noko for å levera. EE-avfall kan også leverast gratis på miljøstasjonen.

  • Bøtte til matavfall

    Du får kjøpt bøtte til matavfall på miljøstasjonen.

    Ekstrasekk til restavfall

    Ekstrasekk til restavfall: På miljøstasjonen eller ved å kontakta SIMAS. Sekker kostar kr. 87,-. Prisen dekker innsamling og transport av fylt sekk, samt behandling av avfallet. Sekken kan setjast ut ilag med restavfallsdunken ved neste ordinære tømming.

    Plastknytesekkar

    Plastknytesekkar til plastemballasje vert utlevert ved tømming ein gong i året, vanlegvis i februar/mars. Om ein ikkje har fått på utlevering kan ein hente ut gratis på tenestetorg eller miljøstasjon innan 1 månad (i Vik kun på miljøstasjonen, på tenestetorget i Høyanger kun i gratisperioden elles på miljøstasjonen). Etter utleveringsperioden må ein kjøpe desse. Les meir om utlevering av bioposar og plastsekkar.

    Bioposar

    Alle husstandar får utlevert to rullar med bioposar til våtorganisk avfall per år. Dette blir levert ut gratis ein gong i året, vanlegvis rundt februar/mars. Treng du fleire rullar, kan du kjøpe dette på miljøstasjonen eller i butikk (nokre daglegvarebutikkar skal ha dette inne). Les meir om utlevering av bioposar og plastsekkar.

  • Når er det slamtømming i mi kommune?

    Sjå oversikt her.

    Når har eg tøming av avfall?

    Avfallskalendar finn du på simas.no. Finn ditt rutenummer nedst på kalenderen, og finn rutenummeret igjen inni kalenderen. Sjå på fargen for å finne ut kva type avfall som skal hentast på di rute denne dagen. Last ned appen Min Renovasjon og få varsel om tømming direkte på telefonen.

  • Kan eg setja ut fleire sekker med plastemballasje på hentedag?

    Ja, det er gratis å levera plast på renovasjonsruta for private.

    Kva skal eg bruka rullen med plastsekker til?

    I plastsekken skal du samla rein og tørka plastemballasje. Plastsekken vert henta på renovasjonsruta saman med papp og papir.

  • Dunken min er ikkje tømt på tømedag. Kva gjer eg?

    Ta kontakt med SIMAS og meld frå om manglande tøming. Manglande tømming kan óg varslast via appen Min Renovasjon.

    Me treng fylgjande opplysningar: Adresse, kommune, telefonnummer, kva type avfall som ikkje er vorte tømt.

    Hugs at dunken skal vera sett ut før kl 07.00 om morgonen og at den ikkje kan vera overfylt.

    Dunken min er øydelagd. Kostar det noko få ein ny?

    Gå inn på denne sida for å bestille ny dunk. Denne tenesta vert dekka av renovasjonsgebyret om skaden vart påført under tøming eller ved normal slitasje.

    Eg ynskjer å endra størrelse på dunken. Kva gjer eg?

    Ynskjer du å tinga større dunk, kan du få dette mot ein auke i gebyret. Du kan tinga søke om å endre behaldar her inne.

    Bestille avfallsbehaldarar til nytt hus

    SIMAS får mange bestillingar på avfallsbehaldarar til hus som ikkje har fått mellombels bruksløyve eller ferdigattest. Før SIMAS kan levere ut avfallsbehaldarar til nyoppførte bustader, skal det liggja føre mellombels bruksløyve eller ferdigattest frå kommunen. Kopi av bruksløyve/ferdigattest vert sendt SIMAS når slikt løyve/attest vert gjeve av kommunen. Dersom dette ikkje ligg føre er bruken ulovleg og SIMAS vil ikkje kunne levere ut avfallsbehaldarar.

    Me opplyser òg om at avfallsbehaldarar skal stå att på eigedomen når ein flytter. Om ein flytter inn i nyoppsett hus eller til eit hus utan avfallsbehaldarar skal det bestillast nye hjå SIMAS.

  • Avfallet vert haldt separat heilt fram til sluttbehandling. Ved innsamling vert det nytta renovasjonsbilar som har to kammer. Bilen kan difor ta med fleire typar avfall på same tur, t.d. restavfall i eit kammer og våtorganisk avfall i det andre kammeret. Ved anlegget i Festingdalen vert avfallet lasta om i større bilar, og sendt til sluttbehandling.

    Les meir om kva som skjer med avfallet her.

  • Kva vert dekka av renovasjonsgebyret?

    • Henting av restavfall, våtorganisk avfall, plastemballasje, papp og papir

    • Utkøyring og vedlikehald av dunkar

    • Drift av miljøstasjonane ilag med eigarkommunane

    • Drift av kompostanlegg

    • Tømming av avfall frå returpunkt og miljøstasjonar

    • Informasjonsarbeid for renovasjonstenesta

    • Sakshandsaming i samband med avfallsforskrifta

    • Avhending av avfall for vidare gjenvinning

    Korleis vert renovasjonsgebyret fastsett?

    Fastsetting av renovasjonsgebyret vert gjort etter reglar i Forureiningslova. Fastsetting skjer etter sjølvkostprinsippet og etter prinsippet om at forureinar skal betala. Det betyr at alle kostnadar knytt til hushaldningsrenovasjon skal betalast av innbyggjarane. Alle fortenester og eventuelt overskot tilhøyrer innbyggjarane. Overskot vert som regel avsett i forn for neste års rekneskap.

    Det er kommunestyre i den enkelte kommune som vedtek renovasjonsgebyret. Gebyret dekkjer blant anna:

    • Innsamling av avfall frå husstandane

    • Omlasting og transport av avfallet

    • Ein miljømessig god slutthandsaming av avfallet

    • Drift av miljøstasjonar

    • Drift av returpunkt

    • Administrasjon

    Renovasjonsgebyret vert påverka av blant anna avfallsmengdene, det vil sei kor mykje avfall som vert samla inn og handsama. Kort godt innbyggarane kjeldesorterer har også innverknad. Det er til dømes noko forteneste på sortert emballasje og papiravfall, medan usortert restavfall er relativt kostbart å handsama.

    Oppgjer av renovasjonsgebyr ved kjøp og salg av eigendom

    Den som er registert eigar, det vil sei heimelstakar, av ein eigedom er ansvarleg for at renovasjonsgebyret vert betalt. Dette gjeld også for eventuelt ubetalte renovasjonsgebyr for tidsrommet før ny eigar kjøpte eigedomen.

    Eit ubetalt renovasjonsgebyr er eit hefte på eigedomen. Ved overtaking av eigedom er det difor viktig å passa på at renovasjonsgebyr vert avrekna mellom kjøpar og seljar. Dersom eigedomsmeklar vert bruk, vil dei som regel gjera dette, i motsett fall må kjøpar og seljar sjølv avrekna. SIMAS har ikkje ansvar for dette oppgjeret og føretek ikkje avrekning mellom seljar og kjøpar.

    Hugs:

    • å avrekna oppgjeret for renovasjonsgebyr mellom kjøpar og seljar av ein eigedom, gjerne med bistand frå eigedomsmeklar.

    • å meld adresseendring til skatteetaten.

  • Kva kostar det å levera avfall på miljøstajonen?

    Sjå prisoversikt her.

    Korleis kan eg oppretta avtalegiro?

    Du kan oppretta avtalegiro ved å ta kontakt med banken din, eller oppretta avtalegiro sjølv i nettbanken.

    SIMAS sender faktura til kun eigar av eigendom

    Det er tinglyst eigar av eigedomen som er ansvarleg for å betale renovasjonsavgifta, jf. Forureiningslova § 34. Dersom det er inngått festeavtale er det tomtefestaren som skal svare avgifta. Dette betyr til dømes at SIMAS ikkje kan sende faktura til ein leigetakar, sjølv om eigaren og leigetakaren er samde om at leigetakaren skal dekke kostnaden.

    SIMAS vil berre sende faktura til eigaren eller tomtefestaren. Det vil ikkje bli sendt faktura til leigetakarar.

    Dersom renovasjonsavgifta ikkje vert betalt, har SIMAS lovbestemt pant i eigedomen og kan om naudsynt tvangsinnkrevje avgifta.

    Eg har selt eigedommen min. Kvifor får eg likevel faktura?

    SIMAS fakturerer den som til ei kvar tid er registrert som eigar av eigedommen. Det er reistert eigar, heimelstakar, som er ansvarleg for at renovasjonsgebyret vert betalt. Dette gjeld også for eventuelt ubetalte renovasjonsgebyr for tidsrommet før ny eigar kjøpte eigedommen.

    Eit ubetalt renovasjonsgebyr er eit hefte på eigedommen. Ved overtakting av eigedom er det difor viktig å passa på at renovasjonsgebyr vert avrekna mellom kjøpar og seljar. Dersom eigedomsmeklar vert brukt, vil dei som regel gjera dette, i motsett fall må kjøpar og seljar sjølv avrekna. SIMAS har ikkje ansvar for dette oppgjeret og føretek ikkje avrekning mellom seljar og kjøpar.

    Korleis tingar eg nytt abonnement?

    Ta kontakt med oss for å tinga nytt abonnement. Hugs å oppgje gards og bruksnummer på eigedommen.

  • Finn informasjon om miljøstasjonen din her inne.

  • Kvifor må eg levera restavfall i blank sekk på miljøstasjonen?

    For at SIMAS lettare skal kunne vurdera sorteringa. På denne måten er det lettare å plukke ut farleg avfall og elektrisk og elektronisk avfall frå restavfallet.

  • Kasserte fritidsbåtar

    Stortinget har vedteke ein statleg finansiert tilskotsordning for kasserte fritidsbåtar som tredde i kraft 1. oktober. Tilskotsordninga skal bidra til å sikre forsvarleg handsaming av kasserte båtar og stimulere til auka innsamling til materialgjenvinning og anna lovleg handsaming av desse. Ordninga skal slik forebygge at kasserte fritidsbåtar kjem på avvege. Alle SIMAS-miljøstasjonane tek imot fritidsbåtar etter denne nemninga:

    "Med fritidsbåtar meiner ein her fartøy til sports- og fritidsbruk med skroglengde inntil 15 fot/4,57 meter), uavhengig av totalvekt, og som nyttast utanfor næringsverksemd. Mindre fartøy som kano og kajakk inngår i tilskotsordninga."

    Fritidsbåtar med aluminiumskrog samt kjøl og ballast i metall, omfattast ikkje av denne tilskotsordninga. Alle miljøstasjonane i SIMAS-kommunane tek imot båtar inntil 15 fot, men større båtar må leverast til Festingdalen for mellomlagring før det vert send vidare til godkjend sluttmottak.

    Motor skal fjernast og leverast separat på miljøstasjonen, tom for bensin/olje.

    Tilskotsordninga er todelt. Eigar av fritidsbåten og mottaket søkjer kvar for seg og uavhengig av kvarandre.

    Privatpersonen som levara inn båten søkjer sjølv om tilskot, og skal sørgje for at skjema vert utfylt av operatør på det godkjende mottaket.

    Kjøp av nye tøybleier

    Frå 01. april 2019 kan du få tilskot til kjøp av nye tøybleier. Du får tilskot på inntil 1000 kronar, avgrensa til 50 prosent av kjøpesum.

    SIMAS gjev tilskot til kjøp av nytt utstyr (ikkje brukt).

    Krav til kvittering

    Innsendt kvittering skal dokumentere at det er kjøpt inn produkt som SIMAS gjev tilskot til. Produktet må vere betalt før søknad er sendt inn. Vippsbetaling utan komplett kvittering og kvitteringar der det er uklart kva produkt som er kjøpt inn, blir avvist.

    Søknader med kvittering som ikkje oppfyller dokumentasjonskravet blir avvist.

    I tillegg til å leggje ved kvittering, må det listast opp kva produkt på kvitteringa som det skal søkjast tilskot for, og summere desse.

    Me gir tilskot til:

    * Brettebleier

    * Formsydde bleier

    * Rrillebukser/sperrelag/lommebleier

    * Innlegg/kluter til bleier

    * Alt i ett/to tøybleier

    Me gir ikkje tilskot til:

    * Næringsdrivande

    * Forbruksmateriell som til dømes rispapir, lanolinolje/ullkur og ullsåpe

    * Strikkeoppskrifter

    * Garn til sjølvstrikk, strikkepinnar etc

    * Frakt på produkt

    Krav:

    * Private søkjarar

    * Søkjar må vere busett i SIMAS-kommune

    * Fødselsattest der det fremgår at søkjar er barnets forelder

    * Søknad må vere sendt inn før barnet har fylt 4 år (tilskotet går til barn frå 0 til og med 3 år)

    Søk om tilskot til kjøp av tøybleier

    Tilskot til kjøp av komposteringsutstyr

    SIMAS gjev støtte til kjøp av ny isolert kompostbinge for varmkompostering eller nytt utstyr til andre godkjende omdanningsprosessar, til dømes bokashi.

    Ved kostnader over kr. 1000 får ein tilskot på 25% av kostnaden, maks kr. 500.

    SIMAS gjev tilskot til kjøp av nytt utstyr (ikkje brukt).

    Krav til kvittering:

    Innsendt kvittering skal dokumentere at det er kjøpt inn produkt som SIMAS gjev tilskot til. Produktet må vere betalt før søknad er sendt inn. Vippsbetaling utan komplett kvittering og kvitteringar der det er uklart kva produkt som er kjøpt inn, vert avvist.

    Søknader med kvittering som ikkje oppfyller dokumentasjonskravet blir avvist.

    NB! Ein vil ikkje få tilskot til kjøp av kompostbingen Separett kompen når den vert kjøpt gjennom SIMAS.

    Søk om tilskot til komposteringsutstyr.

  • I SIMAS-kommunane er det tvungen renovasjon og slamtømming jf. renovasjon- og slamforskrift for SIMAS IKS (Sogn interkommunale miljø- og avfallsselskap) § 4, jf. § 2.

    Dette inneber at dersom ein eig ein eigedom der det er registrert gebyrpliktige bygg, er eigar av eigedomen pålagd å betale eit gebyr pr. eining til SIMAS, jf. § 17[26] og § 3. Gebyrpliktige bygningar er mellom anna bustadhus og fritidshus som hytter.

    Heimelen for å krevje renovasjon- og slamgebyr

    I lov av 13. mars 1981 om vern mot forurensninger og om avfall vart det bestemt av Stortinget at kommunane hadde ansvar for innsamling av avfall frå privatpersonar. Luster, Sogndal, Lærdal, Aurland, Vik og Høyanger gjekk saman for å få til eit samarbeid om denne innsamlinga. Slik vart SIMAS IKS oppretta. SIMAS-forskrifta var gjeven med heimel i forurensningsloven §§ 9, 26, 30-34, 37, 79, 83 og 85 for å sikre den praktiske gjennomføringa av avfallshandteringa.

    Variasjonar i gebyret

    Renovasjon- og slamgebyret skal fullt ut dekkje kostnadane med innsamling, transport, mottak, oppbevaring, behandling, etterkontroll mv. av avfallet og slammet, jf. § 17.

    Dette inneber at jo færre som er med på å betale for drifta av innsamlinga, jo dyrare vert det for den enkelte. Etter forskrifta er det difor bestemt at ein abonnementeining skal betale eitt gebyr. Til dømes skal ein eigedom med eitt hus betale eitt fastset standardgebyr, ein eigedom med to hus skal betale to fastsette standardgebyr osv.

    Ved fastsetjing av gebyr held SIMAS seg til offentleg eigedomsregister, matrikkelen. Det vil sei at det er matrikkelen som er avgjerande for kva type- og tal abonnement ein eigedom skal vere registrert med. Ved å basere renovasjonsgebyret på tal abonnementeiningar kan me nytte matrikkelen som ei objektiv og sikker kjelde. Det er når SIMAS har eit sikkert og objektivt informasjonsgrunnlag at det er mogeleg å sikre likebehandling av forskrifta.

    Fritak frå renovasjonsgebyret

    Abonnentar som kan dokumentere at ei bueining skal stå unytta i meir enn 1 år samanhengande, vil etter skriftleg søknad kunne få fritak frå gebyret, jf. § 18.

    SIMAS har gjeve nærmare retningsliner for kva dokumentasjon som er vert kravd.

    Vedtak om endring av renovasjonsgebyr vert gjort gjeldande frå og med fyrste heile månad etter at SIMAS har motteke fullstendig søknad om endring der godkjend dokumentasjon på at eininga står unytta er lagt med. Endringa kan tidsavgrensast.

    Vilkår for heilårsbustadar

    Vilkår for fritidsbustadar

    NB! Søkjar må vere tinglyst eigar av eigedomen eller ha fullmakt (t. d. skifteattest).

    Søk om fritak

  • SIMAS ynskjer alle 4. klassar velkomne på besøk til anlegget vårt i Festingdalen. Her får de eit kort føredrag i tillegg til omvising på anlegget.

    Før de kjem på besøk, bør de ha hatt om kjeldesortering i undervisinga. LOOP har laga eit undervisningsopplegg som me anbefalar å nytta.

    LOOP er ein stiftelse som har som hovudoppgåve å vera ein pådrivar og koordinator for kommunikasjonen om kjeldesortering og gjenvinning i Noreg.

    På LOOP sine nettsider kan de tinga gratis undervisingsmateriell som arbeidshefte, cd og dvd som kan nyttast i undervisinga. Her er mykje god informasjon om kjeldesortering og gjenvinning.

    Har de spørsmål er det berre å ta kontakt med oss.