Planlegg du å rydde i naturen?
Då er det kjekt at SIMAS tek imot eigarlaust marint avfall gratis på miljøstasjonane!
Me har valt å bidra til å støtte frivillig innsats der enkeltpersonar og grupper gjer ein innsats for å redusere forureining og halde naturen rein. Ordninga for handteringa av det innsamla avfallet er finansiert gjennom ei refusjonsordning organisert av Miljødirektoratet.
Takk for at du bidreg til rein natur i Sogn!
Korleis gjennomføre
Hent sekker til innsamling på nærmaste miljøstasjon eller bruk ein du allereie har heime.
Registrer ryddeaksjonen enkelt her. For å få arbeidet med handsaming av avfallet refundert er det påkrevd at aksjonen er registrert.
Plukk avfall. Det kan vere lurt å t.d. gå saman med fleire der ein samlar ulike materialar i ulike sekker eller poser undervegs. Ved å sortere* gjer du det mogleg å gjera folkeforskning på det som vert innsamla, du bidreg også til å auke sjansen for resirkulering av det du har plukka.
Interessert i å bli premiert for arbeidet? Ved å registrere det innsamla avfallet hjå Kystlotteriet.no kan du vinne flotte premier for innsatsen!
Lever avfallet på din nærmaste miljøstasjon, gratis.
* Grovsortering. T.d. Plast, trevirke og metall kvar for seg.
Les meir om historia til Kystlotteriet og Strandryddeveka her.