SIMAS på TV!
I den nyaste episoden av NRK Super-serien Tøffe jobbar får du bli med bak kulissane på hovudanlegget vårt i Festingdalen. Her får du eit innblikk i arbeidskvardagen vår og lære meir om kva som skjer med avfallet vi tek imot.
Ein spennande arbeidskvardag
Kva skjer eigentleg med avfallet etter at du har kasta det? Og korleis er det å jobbe på eit avfallsanlegg?
I episoden av Tøffe jobbar får sjåarane bli betre kjende med arbeidet vi gjer på hovudanlegget vårt i Festingdalen. Her skjer det mykje kvar einaste dag, og mange ulike oppgåver må løysast for at avfallet skal bli handtert på ein god og trygg måte.
Gjennom programmet får både små og store eit innblikk i ein arbeidskvardag som kanskje er ukjend for mange. Vi håpar episoden kan bidra til meir kunnskap om kva som skjer med avfallet, og kvifor det er viktig å sortere rett.
Vil inspirere til gode sorteringsvanar
– Det er veldig kjekt å få vist fram arbeidet vi gjer i SIMAS på denne måten, seier Dagny Ugulsvik Alvik, direktør i SIMAS.
At NRK Super har laga ein eigen episode frå anlegget vårt, synest vi er ekstra kjekt. Gjennom eit program som er retta mot barn, får vi høve til å vise kor viktig arbeidet med avfall og gjenvinning er.
Vi håpar episoden kan bidra til å skape gode haldningar til kjeldesortering og resirkulering allereie frå ung alder. Når barn lærer meir om kva som skjer med avfallet, kan det også bli enklare å forstå kvifor vi må sortere det.
Kanskje ein framtidig arbeidsplass?
Avfalls- og gjenvinningsbransjen har mange spennande og varierte arbeidsoppgåver. Det er ein bransje som spelar ei viktig rolle i arbeidet med å ta vare på ressursane våre.
Vi håpar at episoden også kan vise fram nokre av moglegheitene som finst i bransjen, og inspirere fleire til å bli nysgjerrige på yrka og arbeidsoppgåvene våre.
Meir kjennskap til det vi gjer, kan vere viktig både for framtidig rekruttering til SIMAS og til avfalls- og gjenvinningsbransjen elles i landet.
Sjå episoden på NRK Super
Har du lyst til å sjå kva som skjer bak kulissane hos oss? Ta med deg små og store framfor skjermen og bli med på ein spennande arbeidsdag i Festingdalen!
Morgonsending frå Festingdalen på NRK Radio
I samband med episoden fekk vi også besøk av NRK Sogn og Fjordane, som hadde morgonsending frå Festingdalen. Fekk du ikkje med deg sendinga? Høyr ho her!
