Likestillingsutgreiing

Aktivitets- og redegjørelsesplikt 

SIMAS har ei lovbestemt plikt til å jobbe aktivt for å fremme likestilling og hindre diskriminering i alle oppgåver og tenester i verksemda.

Arbeid for å fremme likestilling skal vere systematisk og forankra i overordna og målretta arbeid som strategiplanar, årshjul, målsettinger og handlingsplanar.

SIMAS skal jobbe for integrering, mot diskriminering, hindre trakassering og kjønnsbasert vold.

Plikt til aktivitet og redegjørelse

Offentlege verksemder, og private verksemder med fleire enn 50 tilsette skal:

  • Jobbe aktivt med likestilling og diskriminering gjennom lovbestemt metode. Annakvart år skal ein kartlegge lønn og ufrivillig deltid (aktivitetsplikt).

  • Redegjøre for likestilling i årsrapporter/-beretning (redegjørelsesplikt).

Overordna målretta arbeid

SIMAS har med utgangspunkt i framlegg til ny strategiplan - Avfall 2025 - utarbeida delmål og operative mål, som er konkretisert i tiltaksplanplanar, for tre utvalde strategiområder:

  • Jorda - miljø/klima (kjerneverksemd)

  • Menneska -  samfunn (ekstern samfunnskontakt)

  • Organisasjon – HR/HMS (intern organisasjon)

Plikt til arbeid med likestilling og diskriminering er konkretisert i delmål under strategiområde Organisasjon:

Delmål 1: SIMAS skal ha ein bedriftskultur som er kjenneteikna av samskaping og engasjement

Delmål 2: Vidareutvikle SIMAS som ein kompetansearbeidsplass som gir dei tilsette meistring og tryggheit   

Handlingsplanar for arbeidet og årsrapportar bli lagt fram og drøfta i AMU, i møter med tillitsvalt og verneombud, og i styremøte.

Internkontrollen

Arbeid for å fremme likestilling og hindre diskriminering inngår i det systematiske HMS-arbeidet med kartlegging, risikovurdering og handlingsplanar med tiltak som skal sikre at SIMAS når målsettingar for arbeidet, tabell 3.

Faktisk tilstand for kjønnslikestilling

SIMAS har som mål å vera ein arbeidsplass der det skal vera full likestilling mellom kvinner og menn. Tradisjonelt har det vore få kvinnelege søkjarar til våre stillingar, særleg når det gjeld drifta ute. Av SIMAS IKS sine 45 tilsette er 10 kvinner , jf. Tabell 1. I leiarstaben er det 3 kvinner og 3 menn. I styret er 4 av 7 styremedlemmer kvinner, der styreleiar er ein av desse.

I 2022 har SIMAS revidert prosedyre for rekruttering med fokus på at utlysingstekster ikkje skal bli oppfatta diskriminerande mot kjønn eller grupper.

Lønn

SIMAS har eigen lønspolitikk, «SIMAS IKS sin lønspolitikk», som har til føremål å:

  • motivere tilsette til å følgje opp gjeldande visjon, verdigrunnlag og strategiplan

  • skape aksept for korleis løn blir fastset utover det som er regulert i hovudtariffavtalen og andre sentrale avtaler.

  • vere verkemiddel for å produsere kvalitet og effektivitet i heile organisasjonen.

  • bidra til å rekruttere, utvikle og behalde kvalifisert personell.

  • fremme og ivareta likestilling mellom kjønna.

  • motivere tilsette til kompetanseutvikling

  • lønspolitikken skal gje konkret skildring av kva dei tilsette vert målt på og korleis tilsette kan medverke for å oppnå lønnsutvikling 

Lønspolitikken skal vere kjent, legitim og føreseieleg, og arbeidstakar skal ha reell moglegheit til å innrette seg etter den. Lønspolitikken vert revidert kontinuerleg etter drøftingar mellom partane (arbeidsgjevar og fagorganisasjonane). Lønspolitikken er ein del av verksemda sin arbeidsgjevarpolitikk. Arbeidstakarar i SIMAS er omfatta av Bedriftsavtalen og får lønn regulert i samsvar med denne.

For tilsette i SIMAS IKS skal følgjande prinsipp ligg til grunn ved lønsfastsetjing:

Løn for kompetanse

  • Utdanning/sertfikat/fagbrev

  • Erfaring som er relevant for arbeidsoppgåvene

Løn for funksjon

  • Oppgåver

  • Ansvar

Likeløn

  • Lik løn for arbeid av lik verdi uavhengig av kjønn.

  • Lik moglegheit for lønsutvikling for begge kjønn.

Det skal vere samanheng mellom dei tilsette sin relevante real- og formalkompetanse, kompetanseutvikling og lønnsutvikling. Arbeidsgjevar skal årleg informere tilsette om moglegheit for lønssamtale.

Korleis SIMAS jobber med likestilling og diskriminering

SIMAS sin visjon om «Ressursar på rett veg» ligg til grunn for alt arbeid i verksemda. At tilsette har det bra på jobb er viktig. Vi ønsker, og jobber kontinuerleg, med oppleving av Vi-kjensla, at vi har det bra og trivast saman. For å nå denne målsettinga er sosiale treffpunkt som: felleslunsj, felles gåturar og fagsamlingar viktige tiltak. I 2022 vart det oppretta ei intern Facebook gruppa der tilsette kan dele litt om arbeidskvardagen sin. Kjennskap til kvarandre sine arbeidsoppgåver er med å bidreg til godt samhold.

I SIMAS skal det vere plass til alle, uavhengig av kvar du kjem frå, kven du trur på eller kven du elskar.

I SIMAS er det utarbeida eige etikkhefte om korleis vi vil ha det på arbeidsplassen, samt at det er gitt i Personalhandboka. I SIMAS er det utarbeida eigne rutiner for varsling av forhold som går på mobbing og diskriminering.

SIMAS har fokus på kommunikasjon og samhandling. Dette er eit punkt som ofte kjem fram som eit forbetringspunkt i temperaturmålaren som blir gjennomført i samband med medarbeidarsamtalane.  Tiltak utført i 2022 er meir jamleg informasjon ut til tilsette. Direktør og HMS/-HR-leiar sender jamleg ut informasjon til alle tilsette slik at alle er kjent med kva som skjer. Avdelingsleiarar har jamleg driftsmøter med sine tilsette for å sikre at ein når ut med informasjon til alle. Tilpasse informasjon slik at den når ut til alle uavhengig av nasjonalitet. Alle tilsette vurdere si oppfatning av likestilling og diskriminering i samband med temperaturundersøking som blir utført og gjennomgått i den årlege medarbeidarsamtalen.

SIMAS tok inn trainee i 2022, som bl.a. skulle jobbe med informasjonsutveksling ut mot abonnentar/innbyggarar. Dette har resultert i fleire informasjonskampanjar der informasjon er gitt ut på ulikt språk. Sorteringsguide er tilgjengeleg på norsk, engelsk, spansk, polsk, litauisk, russisk, arabisk, somalisk og tysk. Abonnenter som har behov for det får tilsendt dunkar med informasjon i blindeskrift.  

SIMAS er positiv til at tilsette ynskjer fagleg utvikling og kompetanseheving. I SIMAS sin personal- og lønnspolitikk vart det i 2022 lagt opp til bruk av fleksitid og lønnsauke for kompetanseheving som er relevant for arbeid i verksemda. SIMAS er medlem i KAV som i samarbeid med AOF har utvikla bransjeretta kurs bl.a. yrkesnorsk og teori til relevante fagbrev. I tillegg er det lagt opp til hospitering mellom selskapa tilknytt KAV. SIMAS har samarbeid med Opplæringskontoret for å kunne ta inn lærlingar, samt få bistand for eigne tilsette som ønsker å ta fagbrev. SIMAS har tilsette frå 5 forskjellige nasjonalitetar. SIMAS gir norskkurs for nytilsette, som ikkje kan norsk skriftleg og muntleg. SIMAS har samarbeid med kommunar/NAV for kunne gi tilbod om både språktrening og arbeidstrening.

I SIMAS prøver vi å legge til rette for ei fleksibel arbeidstidsordning. Vi prøver å tilpasse og kunne legge til rette for balansen mellom jobb og fritid. I administrasjon og leiargruppa er det lagt opp til moglegheit for å kunne nytte heimekontor. Tilsette som ynskjer å arbeide deltid i ein periode, som følgje av livssituasjon, får moglegheit til det. Der det er behov, blir arbeidsavtalar utarbeida på den tilsette sitt morsmål.